صدرِ مملکت جناب ڈاکٹر احمدي نژاد نے بيرونِ ملک مقيم ايراني دانشمندوں کے ساتھ مسلسل رابطہ رکھنے پر زور ديتے ہوئے کہا کہ ملک سے باہر، بہت سے ايسے ايراني دانشور موجود ہيں جن کے دلوں ميں وطن سے پيار و محبت کا جذبہ ہے اور ان سے ملک کي تعمير و ترقي ميں بھرپور فائدہ اٹھايا جا سکتا ہے اور يہي اس کميٹي کي اہم ذمہ داري ہے۔

صدرِ مملکت نے ايران اور ترکمنستان کے درميان گہرے اور دوستانہ روابط کي ضرورت پر زور ديتے ہوئے کہا کہ دونوں ممالک کے حکام کي کوششوں سے تہران اور عشق آباد کے درميان تعلقات ميں مزيد استحکام پيدا ہو جائے گا۔

اسلامي جمہوريہ ايران کے صدر ڈاکٹر محمود احمدي نژاد نے ايران ، پاکستان اور افغانستان کے سربراہي اجلاس کو نہايت اہم قرارديتے ہوئے کہا کہ يہ اجلاس علاقے ميں امن و استحکام کي برقراري ميں ايک اہم قدم ہے۔

صدرِ مملکت جناب ڈاکٹر احمدي نژاد نے سہ فريقي اجلاس ميں اپنے خيالات کا اظہار کرتے ہوئے کہا کہ گذشتہ دو اجلاسوں اور حاليہ اجلاس ميں اٹھائے گئے تجاويز کو عملي جامہ پہنانے کي ضرورت ہے، انہوں نے عالمي حالات پر تبصرہ کرتے ہوئے کہا کہ دنيا نہايت کھٹن حالات سے گزر رہي ہے، دنيا پر حاکم اقتصادي، سياسي پاليسياں دم تھوڑ چکي ہيں، سامراجي طاقتيں ممالک کے درميان اختلافات اور فرقہ واريت کو ہَوا ديکر ان کي ترقي اور پيشرفت ميں رکاوٹيں پيدا کر رہے ہيں، ان حالات ميں دنيا ايک مسيحا کي تلاش ميں ہے۔

صدرِ مملکت نے کہا کہ مجھے افغانستان کے حکام اور انکے عوام کے ايمان، تدبير اور ہوش و فراست پر مکمل بھروسہ ہے اور مجھے اس بات کا يقين ہے کہ اگر دشمن اپنے آپ کو نہايت چالاک اور مکار سمجھتا ہے افغانستان کے عوام بھي ہوش و فراست کے ذريعہ انکے تمام منصوبے خاک ميں ملائيں گے۔